عراقي ابو الغيره

سالفة بيهة رباط ...
جان شيخ كاعد بالمضيف باوع عليه أحد الجالسين كالة محفوظ عكالك وسخ شوية وكام الشيخ بهدوء طب للبيت جر المسدس وكتل زوجته ورجع بمكانة بالمضيف هم كلة شيخنة عكالك وسخ كام بهدوء دور على أمه كتلهة ورجع للمضيف هم كلة شيخنة عكالك وسخ كام دور على أخته الوحيدة وكتلهة رجع للمضيف هم كلة شيخنة عكالك وسخ تخبل الشيخ كلة نهجم بيتي كتلت أمي وزوجتي وأختي وتكلي عكالك وسخ كلة لا شيخنة كل ما في المسألة أكو تراب على أعكالك ؟؟؟ ...........................
هسة رباط سالفتنة: على الغيرة على العرض والشرف هذا الشيخ كتل كل نسوان بيتة بمجرد أن فهم الحجاية غلط .
واحنة اليوم مع الأسف داخل مجتمعنا جم عكال وسخ وجم رباط وسخ من ذوله لي لبسوا الرباط تالي وگت... واستلموا مناصب هاي الجدد موجودين يسرحون ويمرحون بل المضايف ومؤوسسات الدوله وتحترمه الناس ويحجي بالدين ويقلب الحق باطل والباطل حق ويظلم المظلوم وينصف الظالم فبعد من تشوفون واحد عكالة وسخ ورباطه او سترته أذكروا هاي السالفة ،، مع كل احترامي الى سادتناالأجلاء الكرام ولمشايخنا واساتذتنا الأصلاء الأجاويد المعدلين .